食糭節

糉係其中一種喜愛既食物，而呢間既糉，只有端午節先有，萬萬不能錯過。雖然廿幾蚊一隻，但絕對值得。

拆開糉葉，已經聞到糯米香，隔水蒸十五分鐘，開蓋既時候，更加係香氣撲鼻。

顏色並不是一般的白雪雪，糯米應該係用醬油醃製過，令一粒糯米已經變身做醬油糯米。經過蒸氣既溫柔按摩，糉子身驅非常鬆軟，筷子在中間夾開，雲腿味濃郁。

糉子包裹著肥膏，雲腿，咸蛋黃。肥豬膏大小適中，角色只係輸出淡淡既肥油，令糯米更柔滑。雲腿沒有肥，味道夾在醬油糯米中，不需要白糖，不需要醬油，經已足夠令人一又一口的停不下來。但千萬不要忘記在糉尾的咸蛋黃，不需要多講咸蛋黃既神奇味道，只要每一啖都加小小，會有忘不了的滿足感。

當然將最好食留到最後既習慣一直沒變，半個咸蛋黃加一口留有雲腿既糉，一次過放入口，端午節也可成仙飛到半空。