魚腸焗蛋

魚呢家野，好多人已經怕腥唔會食，仲要食魚腸，咪玩啦！係無錯既，對於魚腸焗蛋呢味菜，自己都中過好多伏，伏既程度係個砵一拎出黎已經聞到腥，諗到食落口......回憶當時係慘痛既。但呢度絕對係天堂，表面油炸鬼焗到脆卜卜，一匙x炒起個蛋，雞蛋味係湧入去個鼻孔裡面，令你個腦袋得一個反應，我要食哂佢！入口，一陣好淡好淡既香味，呢一陣香，令個人冷靜咗。係，食野並不能太衝動，衝動會亂食，亂食會食唔到廚師既用心。咁呢陣淡香係。。係。。果皮，唔止既，仲有，仲有。。雲腿粒！雲腿得鼻屎咁上下大，但配合果皮，除咗將魚腸既腥完全抹走，仲帶番魚腸獨有既甘香味番黎。魚腸份量無上環街市咁澎湃，不過論味道，上環係星級，海港呢個就係文物保護級。

食用小指南：記得配食飯食