赤米蝦

隻隻都紅卜卜，你可以叫佢紅米，我比較鐘意叫佢赤米。白灼係最適合佢地。輕輕力撕開蝦頭，蝦膏橙橙紅紅，吃一口，口腔變成大海。撕開蝦殼，細小蝦身，蝦肉爽脆，無比鮮甜，大部份都帶膏。喜歡啖啖肉就會選擇虎蝦或者花竹蝦，如果喜歡鮮甜味，就一定係非赤米莫屬。海港仲有新鮮游緊水既赤米，街市都未必有，見到有得食，一定唔可以放過，一個人一斤絕對唔係問題。